Karya S.M. Ardan dikutip dari Terang Bulan Terang di Kali terbit 1957

Bang Senan ke luar sambil mengaduk-aduk gelas berisi kopi susu, lalu meletakkannya di atas meja dekat Karim.
"Kapan mulain masup lagi sekolenye?"
"Senen"
"Senin eni?!"
"Bukan, Senin atu lagi. Senen depan."
"O, same deong, anak ane juga mulain masup. Senen itu."
Karim meletakkan gelas yang baru dihirupnya:
"Dapet tempat?"
"Dapet. Tapi ane sebenernye mau pentingin ngaji."
Karim agak terheran : "Enggak jadi masupin?!"
"Jadi. Cuman ane punye maksud, rencane ane ni, anak ane tu ane mau sekolain ampe kelas dua atawe kelas tiga deh. Jangan bodo-bodo amat."
Dan Karim makin terheran: "Kok gitu?!"
"Tapi ngajinye ane mau keje bener. Amu mau terusin ampe tamat. Ampe ke mane die suka. Pendeknya, kalu ane masi kuat ane ongkosin, peribase katenye biar ane musti ngirit-ngirit. Asal die bener."
Karim tidak juga menghirup gelasnya yang sudah diangkatnya.
"Masa ngaji doang, bang Senan."
"Sekolain juga, tapi taro deh ampe kelas empat, kan cukup tuh. Jangan ampe die bodo-bodo amat. Tinggi-tinggi di sekolain jadi enggak bener buat ape, percume aje dong. Ente kan tau kendiri anak-anak sekarang pade ude lupe ame igame. Ninggal ibadat. Nonton! Jalan-jalan!"
Karim meletakkan gelas yang sejak tadi dipegangnya.
"Kan enggak semuenye begitu."
"Iye. Tapi kalau bakalan enggak bener lebi bae ngaji aje. Masupin madrasah mendingan. Pegang tegu igame."
Sembari senyum Karim menghirup kopinya yang tidak lagi panas itu.

Hikmah cerita:
Pendidikan umum penting, tetapi harus diiringi dengan pendidikan agama. Agar anak bukan saja pandai, cerdas dan tangkas, tetapi juga tak lupa agama.

Sumber: Ragam Budaya Betawi - Dinas Kebudayaan dan Permuseuman DKI Jakarta 2022